Presepe in versi
N’angelo bbell’assaje appiso ’o muro,
dint’’a na mangiatora nu criaturo,
tanti ffigure ’ncopp’’a na scanzia
e io ’ncantato tra stu bbene ’e Ddio.
M’aggio fatto nu suonno bell’assaie,
m’aggio sunnato ’e sta dint’’o presepio
mmiez’’a ttanti pasture int’’a sti scene
ch’ogni anno ’e ggente d’ogni età
priparano p’’e cchiese e dint’’e ccase
’e stu paese mio primma ’e Natale.
Si 'o presepio tenesse n'atu nomme,
si per esempio s'chiammasse "ammore"
'e tutt' 'e nnammurate, certamente,
io sarrìa 'o cchiù grande amatore.
Tu stive llà, n'copp' 'a cchella scanzìa
int'a stà putechella d' 'o Maestro Ercolano
mmiscato mmiez'a ll'ate cchiù o meno comm'a tte.
Ogn'anno é tradizione, sott'e feste 'e Natale
ccà veneno a migliare 'e ggente d'ogni parte;
t'guardano, t'toccano, t'spostano ccà e llà.