N’angelo bbell’assaje appiso ’o muro,
dint’’a na mangiatora nu criaturo,
tanti ffigure ’ncopp’’a na scanzia
e io ’ncantato tra stu bbene ’e Ddio.


Ccchiù lla na madunnella doce e bbella
pare ca parla cu cchella faccella,
vicino a essa, sott’’a nu pagliaro,
’e ppecurelle attuorno a nu craparo.

E ppò nu vicchiariello cu ’o scartiello,
’e tre rre Mmagge, ’o vojo e ll’asiniello,
ddoje pacchianelle ll’una affianco a ll’ata,
na lavannara mente fa ’a culata.

Nu zampugnaro sona ’a ciaramella,
vicino ’a grotta addò bbrilla na stella,
uno ca fumma ’a pippa, n’animale,
nu puveriello, ’o principe orientale …

E’ cchesta na puteca chiena ’e ammore
’e chi l’inventa sti capolavore,
nu vero artista ca nun tene eguale,
modella a creta … e ffa sentì Natale.

So ttanti sti pasture, forse ciento,
vestuti proprio comm’ ’o setticiento
e mmiez’’a sti bbellezze, a stu splennore,
Peppe Ercolano; è isso, è ll’autore.

Giuseppe Ercolano

"In ogni opera, ammiro la bellezza delle “teste”, il verismo degli sguardi e delle mani, gli smalti degli incarnati e la ricchezza dei decori; perdermi tra il modellato dei capelli e gli accorti ceselli nella creta è un gioco della fantasia, un diletto per l’anima e la mente, soprattutto perchè è frutto delle mie mani…"

Laboratorio d'arte

Via cassari 6,
80062 - Meta (NA).Italy
P.IVA 04014171211

Telefono:  +39 - 0815342627
Cellulare:   +39 - 3287213224
Email: giuseppe.ercolano@libero.it
Website: www.presepenapoletano.net